بنات الفيس بوك

سلام عليكم
طبعا كلنا عارفين موقع الفيس بوك وبصراحة انا عرفتو من اخوى يوم جيت لقيتو بشوف فى صور بنات سودانيات واستغربتا قلت لى ديل جبتهم من وين قال لى ديل بنات خاتين براهم صورهم واستغربتا شديد بجد لانو بساهل ممكن اتعمل فى صورهم كوبى وبست طوالى فجهاز والمصيبة عارفين شنو انو ياريت لو مصورات بلبس محتشم لكن للاسف لبس احير واخجل شى بناطلين وشى ضيق
وشى الطرحه طبعا مااااااااااااااااااااااااااااف والشعر مفكوك والعامله ميج والعامله اخر موضة فى قصة الشعر وللاسف سودانيات كمان معقولة مخهم بقى بالمستوى دا وين العفة وين الاخلاق طيب لو فى زول من اولاد اهللك او اخوك شاف الصور دى الانتى عارضاها الححصل شنو مش عيب فى حقنا يابنات السودان معقولة ننشر صورنا فالنت وصلت بينا الحقارة للدرجة دى والله لوقعدتا اكتب عن الموضوع دا مااظن ايدى تقيف لانو بجد دا مستوى مابليق ببنات السودان اصلو وبرضو فى اولاد ناشرين صورهم لكن طبعا لااولاد عادى مابزعل لكن للبنت والله دا مستوى كعب شديد طولت عليكم لكن بجد انا لحد الان مستغربة فالموضوع دا

ندوش لكل قاعدة شواذ ده شئ طبيعي السودان بلد كبير والان حصل اربعين مليون شخص

فمن الصعب جدا كلهم يكونوا محافظين في اسر عندها الحرية الكاملة بمعنى انو البنت عادي جدا يمكن تجيب

صديقها في البيت وتعرفهم على افراد العائلة وكدة وماتنصدمي يااختي الامور عادية جدا جدا وربنا يحمينا ويحمي

بناتنا .......ومشكورة

عزيزتى ندوش ربنا يهدى الجميع مابقدر اقول غير كده عايزين يقلدو الدول البرة بس للاسف اخدو السى منها اما الحاجات الكويسة خليها لاهلها

انا في رأي البت البتخت صورتها في الفيس بوك دي بت فااضية .. وما عندها موضووع ...

وما بقول ليها الا ربنا يهديها ..

تسلمي يا عسل على الموضووع ...

مساء الخير .
يا ستي لو على الصور بس عادي المشكلة في اليوتوب
تشوفي العجب في السودانيات

ندوش موضوع يستحق الدراسه والتمصيح أنا أعتقد أن السبب هو غياب الرقابه من الأهل يعني أتصوري معااي أن الأب أوالأم يشوفوا صورة بتهم على النت وممكن تنتشر عبر الجوالات عشان كده لازم الرقابة تكون حاضرة من الاهل لأن أبنائنا أمانة في أعناقنا موضوع جميل ومشكورة على اللفتة الرائعة

سبحان الله ربنا يحفظ اخواتنا من هذا الزحف الفظيع
يسلمووو ندوووش

تنبيه :

العدو الخفي

الغالبية تعتقد أنها مجرد دردشة وونسه وشويه اغواء

وارضاء غرور وحبة فرفشه

لكن صحيفة «الحقيقة الدولية» كشفت خفايا موقع «الفيس بوك» ده

(والناس غبيانا وماعارفة)

إنه كل محادثاتهم مسجلة للتحليل

وتؤكل الشاه من الذراع

وفي المرفق شوف العجب
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

الموضوع عادي أو بالأحرى (easy)

يعني لم يضعن صورهن خلسة أو دون أن يدري أحد ...لأن كل الأحباب_أفراد الأسرة_ مشتركين

للتواصل في حين اذا سافر الوالد بالتالي يكون بالقرب من ابنته ويرى كل جديد من صور مع الأصدقاء

ومثل هذه الأمور يعني زي مابقولوا كدا _خربانا من كبارا_

فلا ألوم أي فتاة تضع صورها لأن اللوم الأول على التربية وغيبوبة الأهل وضياع العادات

فكل يوم يبعد سوداني مغترب عن أصله بمقدار مانرى من تدهور السودانيين

تحياتي ....

ندوووووووووش

وما خفيا كان اعظم وفي مقوله بتقول اذا لم تستحي ففعل ما تريد ياندوووش ما تستغربي لان بجد بقت في اشياء في الدنيا تدهشك وتحيرك سبحان الله علي الحياء لما يغيب عن البنت دي كارثة مافي شئ نقولوا غير ربنا يهدي.. تسلمي اقبلي مروري

سلمت أناملك على الطرح الموفق ..

اما عن موضوع الصور في الـ(Facebook) أصبح امر عادي نظرا لمواكبة الفتيات السودانيات للحضاره والتقدم وعصر التكنلوجيا ومحاولة تقليد الغير وربما يكون بسبب تحرر عائلاتهن ... او خلل في التربية ..

تحياتي لك ِ

نــدووش ، وعدتك بالمسنجر من كم يوم اني ح ارجع للموضوع

واديني بصباح هاليوم اوفي بوعـدي


انا بصراحة عندي الفيس بووك وعندي فيه ناس كتير بس ما بخش كتير ، يادوبك اخر فتره فعلتا الاكاونت


بس احب اقول انو كل شخص وتفكيره وشنو هدفـه ، مش مشكلة البنتتخت صورتها بل المشكلة منو اللي حيشوفها


وكلنا عارفين انو محرك بحث الفيس بوك فعال جدا وممكن يوصلك لاشخاص ما فكرت بيوم تعرفهم او تجتمع من تاني بيهم



باختصـــار اشوف انو لو الشخص أمن موقعه بالفس بوك واختار اصدقائه بعناية ما علـيه خوف ، اناعن نفسي افضل اخت صور مناسبـات فيها كذا شخصية لحتى ما تنعرف شخصيتي بالعربي اخت صور صعب تنسرق



كلك نظـــر يا ندوشتنـــا واظل اتامل ما ترسمه ريشتك ها هــنا

الغالية ندوووش
بعد التحية والسلام
من الملاحظ ان المتعاملين مع هذا الموقع هم من المراهقين (أكثرهم ) لذا نرجو توضيح خطورة التعامل مع مثل هذه المواقع فمن ينشرون صورهم ينشرونها من باب التعارف والمرح والآن هؤلاء السودانيين المراهقين هم الآن في فترة عطلة صيفية أو عطلة ممتدة بين قبل الجامعة فمعناها انهم يملؤؤن اوقات فراغهم ..
وشكرا على الموضوع الرائع

[فتي النيل]

و الله انا بالجد مستغرب في الناس بتكتب عن خلل في التربيه ؟


الفيس بوكـ ده لتواصل مع زملاء الدراسة و العمل و الاهل


يعني في سارية تامه مش علي الصور حتي علي معلوماتك الشخصية ما اي زول في الفيس بوك ممكن يشوف صوركـ الا الاصدقاء الانت بتثق فيهم و بتعرفهم .....

الاسرة ما عندها دخل هنا ... دور الاسره انها تنصح و توجه .... و تراقب في عمر معين

تحياتي

اقتباس:

المشاركة الأصلية كتبت بواسطة فتي النيل الاسرة ما عندها دخل هنا ... دور الاسره انها تنصح و توجه .... و تراقب في عمر معين تحياتي

اظنك تقصد الأسرة الامريكية او الغرب عموماً

ولا عليك ان كنت تقصد باسر اهل الغرب أو لا ....

ولكن هو فعلا كذلك .. هذا حال أهل الغرب واسرهم

وإذا سألنا سؤال ترى أي اسرة هي الامثل الاسرة السودانية أم الامريكية مثلا؟!

قطعاً ليس الخيار الثاني لأنه يعني التفكك وأساس انهيار المجتمع

كما هو الحال الآن بالغرب برغم ثقافتهم وعلمهم وحضارتهم

فالشيء الذي لا يخفى أنهم يعيشون في تفكك اسري