« آخـــر الـــمـــشـــاركــــات »
         :: دروس ومحاضرات من بيرمنجهام - إعـداد بشرى مبارك (آخر رد :بشرى مبارك)       :: كحل الأشياء- مجدى عكاشة عبد المجيد (آخر رد :magic4ever)       :: أيام مع ابن جبرين (آخر رد :أبو المعالي)       :: أيها المتصفح للانترنت تفضل هنا قبل الدخول (آخر رد :أبو المعالي)       :: مختارات الجمعة الأسبوعية 2014_1435 (آخر رد :ود عباس)       :: من أي الفريقين أنت ...!! (آخر رد :أبو المعالي)       :: عجز الطب ولكن أتاه الشفاء (آخر رد :أبو المعالي)       :: الفســــاد!! (آخر رد :عاشق التاكا)       :: من أشعار حسان بن ثابت فى مدح الرسول صلى الله عليه وسلم (آخر رد :بشرى مبارك)       :: جولة في مستشفى الأمراض العقلية (آخر رد :أبو المعالي)      


العودة   منتديات سوداني للأبد > ][§¤°~^™ المنتديات الإدارية ™^~°¤§][ > إرشيف سوداني للأبد > إرشيف المنتديات العامة للمواضيع القديمة .

إرشيف المنتديات العامة للمواضيع القديمة . إرشيف لجميع أنواع المواضيع القديمة التي توقفت فيها الردود لجميع أقسام ومنتديات المنتدى العام عدا المنبر الإسلامي

 
 
أدوات الموضوع
قديم 21-02-2010, 03:25 PM   #1
الرقابــة "أبوهديل"
 
الصورة الرمزية هيثم نمر
 

افتراضي ياحليل زمان .. وأيام زمان !



وجدت أكرر وجدت " يعني الموضوع ده مااااحقي" هذا الموضوع الهام والظريف في أحد المنتديات السودانية .. عجبني بالحيل !!


قلتا الننزلوا ليكم هنا .. اها


دحين أقروهو كوييس .. وبجيكم صـــادي !!



انا كنت ومازلت من اكتر الناس حبا "وعشقا "لاغاني الحقيبة ..وكلما اسمعها احس اني بسمعها لاول مرة ودايما كنت بستغرب في الشعراء ديل جابو وصف الجن ده من وين!! وبستغرب في المخيلة العجيبة دي. وبسأل نفسي معقول النسوان ديل بشر ولأ صحي من حور الجنان ؟؟ومعقول الجمال ده كلو كان في السودان؟؟؟ .واكيد في ناس كتار زي كدة ومن ضمنهم صديقي العزيز اللاقيتو في حافلةعامة وكان صوت ياسر تمتام يصدح بأجمل ما قيل في الحب والجمال والنساء,,والتفت ليصاحبي وانا في قمة النشوة وهو ما أقل مني لو ما أكتر وقلت ليو بالله سيد عبد العزيزده لو كان شاف الجكس الحايم ده كان كتب شنو؟؟


ورد علي صاحبي وشاركنا جارنا في الكرسي الورانا ((علي بالطلاق ما كان كتب الحبة))معقول يا جماعة ؟؟؟؟ المنطق بقول نسبةالجمال زادت في السودان !!زايد رياح الموضة والشياكة والحلاوة والطلاوة المصاحبة لي طلة الجكس زايد الانفتاح والاختلاط والجامعات والمكاتب !!!واتحول النقاش لي جدل رجالي جماعي وكويس انو الحافلة كانت تخلو من الجكس الإ من خالتين تلاتة ممن تجاوزن الخمسين والستين.. واكد الكل انو الشعراء لو شافو بنات الزمن ده ما كانو حركو فيهم ساااااااكن ولا كنا سمعنا بي اغاني الحقيبة من اصلو!!...وشاركنا واحد من جيل الحقيبة كان راكب ورانا واول ما سمع طرف الموضوع قام و استند علي عصايتو وبرقت عيونو بي شقاوة توحي انو عمك كان في شبابو راس هوس كبير وقال لي يا اولادى زمان النسوان كانو جواهر كانو درر المرة تنشف ريقك عشان تسمع ((نغيم فاها))المرة كانت زي هلال العيد تطلع روحك عشان تلمح صورتها المرة كانت غاااااااااالية لا بتتلحق لابتتهبش النسوان كانن في الخدور يزينن الحياء وكاسياهم الحشمة الواحدة حتي لو الله رضي عليك واخدتها بالحلال تفضل مجرياك وراها سنة عشان تتكلم معاك او تسمعك صوتهاوتشحدها شحدة عشان تقول ليك اسمك وكل يوم تقول ليك خلاص بقول ليك اسمك بكرة ويجي الصباح وتقول ليك بخجل خلي بالليل ويجي الليل وتقول ليك اطفي النور وغمض عيونك وقبل علي الحيطة وبعد ده كلو تقول ليك الحرف الاول من اسمك وتقول ليك الباقي بكرة وتفضل علي الحال ده زمنننننننن لمن روحك تشحتف وعينك تطلع وعقلك يشت ويوم تقول ليك اسمك ده يوم عيدك مش زي هسة من اول يوم تنبح بي اسمك تهاتي وتنادي الحلة كلها تسمع لاطعم لا ريحة وانت ينادوك كأنو ده مااسمك!! ..النسوان يا ولدي كان فيهن جمال غريب وبريق عجيب انقرض بعوامل القهارة الجات لبنات الزمن ده الواحدة فيهن بقت تخوف الراجل من قوة عينها الواحدة تقعد تتونس مع الراجل كانها واحد صاحبو كلام يخوف ويكلب شعرة جلدك وقالو بقن يخمسن مع الرجال وواحدات قالو لي بشيشن عليك الله الناقصن شنو غير العمة والعصاية !!! اصلا شيطان الشعر شرد من قوتن ومساختن وكترتن والله ود بتي بحكي لي كيف البنات معزبنو وكيف الولد بتزاوق منهن زي ود الموية لانفعت دبلة معاهن ولا نفعت فقارة ولا صرت وش يا كافي البلاء النسوان بقن ((ويكة ساري)) بس قولو لي حريم متل ديل يكتبو فيهن شنو؟؟؟يعني معقول يقولو فيهن(( حاول يخفي نفسو وهل يخفي القمر في سماهو؟؟؟))ولأ يقولو ليهن(( يومي الاشوفك يبقي عيدوالدنيا تبقي معيدة )) ولا (( مين لي سماك يطول ما بطولك اللمسان معناك شرحو يطولوالله يا انسان))ديل بقن هن البغنن للرجال وبقولوا ولأ استغفر الله ما في داعي.
بقن يغنن للرجال وبقولن ليهن ((ياالبتبخل بالزيارة وياالبتنضم بالاشارة))
يا كافي البلاء في زمنا النسوان الكانن مبكمات وبنضمن بالاشارة ويشاغلن من بعيد لبعيد هسه انعكست الاية الرجال بقو يأشرو والنسوان يصفرو...ديل نسوان علي بالطلاق الواحدةفيهن تعكلت فيك الا بس يحلك منها الحلة بله ديل زي ما قالو اهلنا آخر الزمن يجيكم ((زمن الشنكل الراجل ينفض والمرة تتعنكل))قال شعر وحقيبة ديل لو شافن المتنبي حايبقي سواق ركشة!!!


وشاركنا شاب وجيه يجلس في الكنبة الاخيرة, تقريبا في اواخرالعشرينيات بس يبدو عليو الالتزام والاحترام وقال ليهو صدقت يا عم الحاج والله انايوماتي بواجه مشاكل من النوع ده رغم اني متزوج وبقول ليهم كده بس قالو لي طيب مالو((راجل المرة حلو حلا))ديل يا عمي الحاج ما بنفع معاهم الإ ندّس في البيوت ونخليهم براهم في الشارع الشحدة بقت علني والختف علي عينك يا تاجر الواحدة تقول ليك بس جيب المأذون انا مجهزة كل شئ من البيت لي الزيت أها يا عمي ديل الشعراء يعملوبيهم شنو؟؟؟وشاركتنا خالة جالسة بكل وقار وزايداها الشلوخ رزانة وقالت ليو صدقت ياود بطني ديل اريتن بنات اليابا والتابا القاهرات امات عينن قوية وسنن ملوية ديل اريتن بالتقصهن وتكسر رقابن فايرات زي الكركار الفي النار.. يسكن بالموبايلات والمسكولات والمسجات ولمن تغلبن ام غلاب يجن يدقن الباب عديل لا خوف لا خجل لا وليان لاأهل ..جنس ده يا ولدي في حجي جحا ما سمعنا بيهو ولا قايلين بنعيش لمن نشوف جنس ده!!!!مزنقات بالبناطلين زي المجبسات وزاردات السوست والمطلعنو اكتر من المغطنووبعد ده كلو ما جايب ليهن مريسة تام زينو الرجال عافوهن ولا عبروهن يا كافي البلاءوحايدن المحن ..نقرن الشيب ولا جنا ولا تنا ..يعرسو ليهن شنو يا ولدي ديل متكشفات ومستعرضات كل زول حايم معرسن بي عيونو الجزمجي والمكوجي والمهندس والدكتور والضبان والباعوض كلو لامي فيهن..وود حشايا ده بقول ما كتبو فيهن شعر ديل يا ولدي بقولن للرجال ((انا جيتو جاريةعريانة)) يطرشني زي الغنا ده ما سمعت بيهو ديل مسخنها عديل وجابن لامنا حواء الكلام!!وفي الاثناء دي صدح ياسر تمتام : ((طاهرين عفاف يا حبيبي نخلو من قذر...الخ))وتحول مجري الحديث للحب زمان والحب هسه وكيف كان الحب طاهروعفيف ولذيذ وبرضو اتحفنا عمنا الحاج بروائع الحب زمان وقال لنا ما لم يقله مالك في الخمرواكيد كانت الغلبة لحب زمان وبنات زمان وجمال زمان وطلعنا نحن فشوش ووصلت لمحطة بيتنا واول ما نزلت من الحافلة لقيت واحدة مسخوتة في وشي وقالت لي ((الازرق ده الإ في السماء))في اشارة لي لون قميصي ابتسمت ولسان حالي بقول الله يرحمك يا سيد ويا عبيد ويا خليل فرح ويا كرومة وسرور
ويا ايام زمان ونسوان زمان وبنات زمان وريدةزمان.


التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


وعَرِفتُ انكِ كُنتِ لي قيداً
حَرِصْتُ العُمرَ الاّ أكْسِره..

فـكـسـرْتني !!


التعديل الأخير تم بواسطة هيثم نمر ; 21-02-2010 الساعة 03:40 PM.
هيثم نمر غير متواجد حالياً  
قديم 21-02-2010, 03:32 PM   #2
©~®§][©][قـــ أساسي ــلم][©][§®~©
 
الصورة الرمزية عــــمــــرو
 

افتراضي رد: ياحليل زمان .. وأيام زمان !





كبر الخط شوية ياخي !!

عــــمــــرو غير متواجد حالياً  
قديم 24-02-2010, 06:12 PM   #3
نور البحر
 

افتراضي رد: ياحليل زمان .. وأيام زمان !

لم أستطع منع نفسي من الرد على الموضوع رغم انني كنت أفضّل الإحتفاظ بتعليقي
اولا لشدة طرافة الموضوع ولهذا لم أشأ لخبطته, وثانيا لصحة ما طرحه من وجهات نظر وان تركزت بإلقاء اللوم كلياً على البنات , طبعاً شهادتي مجروحة جداً هنا لأني بنتمي للجيل ده ولانه من الطبيعي أن أدافع عن بنات جنسي ضد التعميم الذي ورد هنا

ما محتاجة أقول ليكم أنو ما كل البنات كده, لسه في منهم من تتحلى بالحياء زينةً ومنهج حياة , بس لأصدقكم القول زمان ظروفه تختلف عن الآن , طرق التواصل اصبحت متوفرة سلكياً ولا سلكياً ,لم تعد الفتيات تلازمن المنزل معظم الوقت بل أصبحن مثل الصبيان , اياً كان سبب الخروج دراسة , عمل , تسلية , تواصل اجتماعي , تسوق ناهيك عن إمتلاكهن لوسائل تنقل مستقلة يعني مافي انتظر لمن أخوي يوديني !!!!

الأهل أنفسهم أصبحوا أقل تشدداً وحزماً من زمان , ربما لسوء احوال الزمن والحاجة لأكثر من يد عاملة واحدة او اثنين في البيت , ولا يخفى علينا جميعاً تفوق البنات حالياً على الأولاد على مستوى الدراسة والتحصيل والطموح والرغبة في التطور , عشان كده ما غريب الواحدة بتكون جاهزة من البيت للزيت ! ههههه
ويمكن ده مثير للخوف من قبل الشباب وما بعترفوا بسهولة بالمسألة دي ,
بالنسبة للغنا والشعر
منو القال ليكم مافي زول بقول فيهم أغاني , نسيتو المخضرم طه سليمان عندما قال في رائعته قنبلة –العيون سلاح الموت والخشيم ده كاتم صوت هههههههههه
يبدو انو خوف الشاعرمن عيون بنات الزمن ده المركزة عليهو والخُلعة دفعته لتشبيههم بأدوات الموت
على عكس ما غناه وردي : عيونك زي سحابة صيف تجافي بلاد وتسقي بلاد
هنا الشاعر من الشوق والفياقة لمن مصنقع في السماء يتخيل إنو عيونها سحابة !

ودي


التعديل الأخير تم بواسطة نور البحر ; 24-02-2010 الساعة 06:15 PM.
نور البحر غير متواجد حالياً  
قديم 24-02-2010, 06:15 PM   #4
©~®§][©][قـــ أساسي ــلم][©][§®~©
 
الصورة الرمزية عــــمــــرو
 

افتراضي رد: ياحليل زمان .. وأيام زمان !

هيثـم

بالجد موضوع وصف لينا الحال كان في السودان أو غير السودان !!

بالله يا هيثم خليك بس من انو البنات بقن يشاغلن الرجال في الشوارع والأسواق ، هسي انتا كان شاغلتا ليك بت في حتة والبت انتا ما عجبتها لأنك شين شناه مررررة !! شعرك قرقد بالدهان مابرقد !! وشلاليفك كباااااار !! وقصير ويدينك طوااال !! ووسخان ما عندك حق الرغيف !! تسمع الكوراك في الحلة الجمبكم وتسمع السب والشتايم !!! وعادي جداً تقلع الشبشب وتديك في راسك !!! بينما ايام زمان البت تطاطي ليك راسا وتخجل وما تفتح خشما !! وتكون بترجف خايفة لغاية تصل البيت !! واسبوع كامل تكون مرعوبة من الشارع !! وما تطلع تاني إلا مع أخوها أو مع زول تاني !! وطبعاً مشاغلة شباب الزمن داك طبعاً انتا عارفة يا هيثم بتكون براها قصيدة !!

لكن تعال لو كنتا وجيه حبة وحبذا لو فيك شبه من ( مهند ) أو اي مغني أمريكي من المطربين الافارقة !! ياداااااب تعبتا ياصاحبي !!

لكن برضو بنات الحلال لسة في !! لكن طبعاً مدسيات أو داسنهن !!

والله يا هيثم أنا لو انزل ليكم هنا الفيديو الصورتو في جامعة مامون حميدة في اجازتي الأخيرة ما تصدقو عينكم !!

هيثم

موضوع شيق ( وشيل شيلتك مع جكس المنتدى )

عــــمــــرو غير متواجد حالياً  
قديم 02-03-2010, 01:36 PM   #5
الرقابــة "أبوهديل"
 
الصورة الرمزية هيثم نمر
 

افتراضي رد: ياحليل زمان .. وأيام زمان !

اقتباس:
المشاركة الأصلية كتبت بواسطة نور البحر مشاهدة المشاركة
المخضرم طه سليمان عندما قال في رائعته قنبلة –العيون سلاح الموت والخشيم ده كاتم صوت هههههههههه
يبدو انو خوف الشاعرمن عيون بنات الزمن ده المركزة عليهو والخُلعة دفعته لتشبيههم بأدوات الموت
على عكس ما غناه وردي : عيونك زي سحابة صيف تجافي بلاد وتسقي بلاد
هنا الشاعر من الشوق والفياقة لمن مصنقع في السماء يتخيل إنو عيونها سحابة !

ودي
وهذا هو الفرق يا نور ..
أصبح شعراء هذا الزمن يخافون من عيون النساء وذلك لشدة " البحلقة " وجراءة
" التركيز " والإمعان في النظر من قبلهن ..
وطه غير المخضرم لم يعاصر ذلك الجيل .. ولو فعل ربما لأصبح أكثر فياقةً من الهرم وردي
وشارك الهرم الآخر ود الأمين في رائعته " عويناتك " حيث يقول :

اقول ليها عويناتك ترع لولي وبحار ياقوت
مناحات ريد حزاينيه بغازل فيها مأساتي
وفي شرف العبور ليها بموت واكسر شراعاتي!


لكنه وللأسف لايضمن حتى بنات الجامعات الطموحات والراغبات في التطور
وتجلى ذلك في رائعته !!:


ضربتا ليه التلفون ..
لقيتو في أوزون..
ده أصلو ما مضمون ..
ده البقرأ في مأمون ..
وبدون .. أييييا أيييا .. أييييا !!

هذا فيما يختص بالغناء والشعر ..

أماعن أن الزمن إتغير والظروف إتغيرت والأهل أصبحوا أقل تشدداً وحزماً
فأنا أرى ومن وجهة نظر خاصة .. أن المبادىء والقيم يفترض ألاّ تتغير
وهذا لا يعني أن كاتب الموضوع ضد التطور والطموح على العكس تماماً
ولكنه فقط يتحسر على تلك الايام ونساء ذلك الزمن ( وأشاركه الحسرة )
وأظن ان البحث عن من يشبههن في الوقت الحالي أشبه بالذي يبحث عن إبرة وسط كومة من القش !
وبالتأكيد هناك من يتحلين بالحياء زينة ومنهج حياة .. ولا تعميم هنا .


أميرة الشتاء ..
سعدت لتواجدك هنا وأبداً ما " لخبطي " البوست ..
بل ..
أنرته بنورك .. البحري .

كل المنى .

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


وعَرِفتُ انكِ كُنتِ لي قيداً
حَرِصْتُ العُمرَ الاّ أكْسِره..

فـكـسـرْتني !!

هيثم نمر غير متواجد حالياً  
قديم 02-03-2010, 02:33 PM   #6
الرقــابة
 
الصورة الرمزية بت كبلو
 

افتراضي رد: ياحليل زمان .. وأيام زمان !




الجكس الحايم ده كان كتب شنو؟؟
كل زمن بناسو الله يرحم زمن العملاقة .
هيثم الزمن يتغير والناس تتغير والمفاهيم اتغيرت زمن ابوداود ولا وراح اصبح زمن هولاء (طة سليمان وشكر الله احمد الصادق . والكثير )
وبما انو هذا زمن المهازل الا من رحم ربي فسيكون هذا لون الغناء
اصبحت الاغاني ( قنيلة. ومسدس .ورصاص . وراجل المرة)
ذهب زمن الطير المهاجر .وشال النوار . واضحكي . والحزن النيبل
واكيد لاتوجد مقارنة بين الكل
واما عن الحب حدث ولا حرج :- لما نسمع حكاوي زمان وعرس زمان وبنات زمان وحب زمان . نتيقن انهم يستاهلو كل الدرر الغالية كل تنسج عقود لهم من كلمات . في هذا الزمن اصبحت البنات خفيفات لدرجة مافي حد بيصورها . وطبعا كلامي ما بيرضي البنات لكن هذا والواقع المعاش حالياً في السودان .الملابس كاسيات عاريات ما تفرز البنت من الولد .
وحتي ما نظلم البعض اكيد الدنيا بخيرها في ناس ماشاء الله عليها . بنات ناس بقدر ما تحملة الكلمة من معني ..
ودا زمن الموبايلات والمسانجرات والمسكولات وماخفي اعظم .
الزمن في تغير يومي كل يوم شكل جديد من اشكال الموضة والجميع يتبعها بكل جوانبها
سمعنا بيهو ولا قايلين بنعيش لمن نشوف جنس ده!!!!مزنقات بالبناطلين زي المجبسات وزاردات السوست والمطلعنو اكتر من المغطنو
دا زمن( الاسكني جينز ) . والله يرحم ايام زمان . والله ايام يازمان نبكي ونتحسر عليها .
الحب زما ن غير . والحب الان مختلف تماماً حتي في المضامين ..
زمان كانت المحبوبة غالية يعصب الوصول اليها . كانت الكلمات تكتب ليها ( نور بيتنا . يامعاين من الشباك . مافي حتي رسالة واحدة ) نسبة لحيائها وخجلها وعدم رؤيتها .
ما زي هسة المحبوب متوفر في كل الظروف. اي زمان واي مكان. زي شبكة الاتصال .
هيثم موضوع جميل
برجع تاني


التوقيع:

أني عشقتك واتخذت قراري
فلمن اقـدم يا ترى أعذاري
لا سلطه في الحـب
تعلو سلطتي
فالرأي رائي والخيار خياري
نزار قباني
بت كبلو غير متواجد حالياً  
قديم 02-03-2010, 03:36 PM   #7
©~®§][©][قـــ أساسي ــلم][©][§®~©
 
الصورة الرمزية عاشق خلف الباب
 

افتراضي رد: ياحليل زمان .. وأيام زمان !

هههههههههه
موضوع رهيييييييييييييييييييب
كل زمن ليهو معطياته ومتطلباته زمان كونك تشوف ليك توب ساي ماشي كانت مشكله وهسي هههههه أخير أسكت
إختلفت المعطيات جملة وتفصيلا ويا حليل زمان لكن برضو الزمن دا حلوووووووووووووو والمكضب يجرب
هههههههههههه
وباكر أجمل

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
سلام على رجال يكابدون القهر ويمضون..لكن العزمات تبقى على طريق المخاض الصعب ..فالدرس كله فداك ياوطنى
وباكر أجمل
عاشق خلف الباب غير متواجد حالياً  
قديم 03-03-2010, 04:26 PM   #8
مراقبة عامة
 
الصورة الرمزية نــور
 

افتراضي رد: ياحليل زمان .. وأيام زمان !

اقتباس:


وقلت ليو بالله سيد عبد العزيزده لو كان شاف الجكس الحايم ده كان كتب شنو؟؟

ورد علي صاحبي وشاركنا جارنا في الكرسي الورانا ((علي بالطلاق ما كان كتب الحبة))معقول يا جماعة ؟؟؟؟ المنطق بقول نسبةالجمال زادت في السودان !!زايد رياح الموضة والشياكة والحلاوة والطلاوة المصاحبة لي طلة الجكس زايد الانفتاح والاختلاط والجامعات والمكاتب !!!

أميرنا موضوع جميل وواقعي بالفعل .. في تغيير واضح عن زمان لكن يا أمير ماممكن تقنعني انو البنات بس اللي اتغيرو وانو الرجال لساتم بفضلوا البت المغتغتة والخجولة صاحبة الأوصاف اللي حكا عنها الحاج ، زي مالبنات اتغيرو الرجال كمان اتغيروا حاتقول لي ماكلهم وبنفس الطريقة ماكل البنات وزي مافي نوعية غير من البنات الزمن ده في نوعية زيها من الشباب بتفضلها ، يعني زمان مثلاً كان الراجل بتزوج المرة حتى قبال مايشوفها فعلياً للأسباب اللي انقالت لكن الان اغلب الزواجات بتتم بمعرفة سابقة ، التغير اكيد فيهو جوانب سلبية وايجابية واغلب النواحي اللي حكا عنها الحاج كان التغير فيها سلبي ،،

لازمنا نعرف انو [الجيل] ده نتاج تربيتنا وبإمكانا حسب اهتمامنا نحدد شنو عايزين من شبابنا يكون ،،



اقتباس:
المشاركة الأصلية كتبت بواسطة عــــمــــرو مشاهدة المشاركة


بالله يا هيثم خليك بس من انو البنات بقن يشاغلن الرجال في الشوارع والأسواق ، هسي انتا كان شاغلتا ليك بت في حتة والبت انتا ما عجبتها لأنك شين شناه مررررة !! شعرك قرقد بالدهان مابرقد !! وشلاليفك كباااااار !! وقصير ويدينك طوااال !! ووسخان ما عندك حق الرغيف !! تسمع الكوراك في الحلة الجمبكم وتسمع السب والشتايم !!! وعادي جداً تقلع الشبشب وتديك في راسك !!! بينما ايام زمان البت تطاطي ليك راسا وتخجل وما تفتح خشما !! وتكون بترجف خايفة لغاية تصل البيت !! واسبوع كامل تكون مرعوبة من الشارع !! وما تطلع تاني إلا مع أخوها أو مع زول تاني !! وطبعاً مشاغلة شباب الزمن داك طبعاً انتا عارفة يا هيثم بتكون براها قصيدة !!



ههههههههههه .. والله ياعمرو ردك ده داير ليهو توثيق عديل .. ماشاء الله عليك !

يللا عاين .. شخصياً مادايرة ادافع عن البنات وكده لانو مافي داعي انكر انو في [خِلَق] شوّهت سمعة السودان كلو كلو "شرطوا عينّا" ، قبل كم يوم كنتا قاعدة مع بنات الشلة فوحدة بتوصف في لبس "فنانة" او شيء المهم سودانية قالت انها كانت برة واللبس ده انسى بس شيء زاتو مابتقال وبعد ده كلوو البت بتحكي مبسووطة قالت انها رفعت راسنا ! تصدق؟ بعد ده كلوو رفعت راسنا ! الواحد ماعارف يضحك واللا يبكي .. عايزة اوضح ليك انو الزمن موش بس غير من طريقة تعاملنا غير كمان في اعتقاداتنا وطريقة تفكيرنا وتقبلنا للامور .. يعني زمان كون بت توصف شاب بالاوصاف اللي حكيت عنها ياعمرو شيء مامعقول من اساسو بينما الان ده شيء بديهي كوني شكوكشتا فلان وسكتّا علان ..

طيب نرجع للرد .. البنات طبعاً مابشاغلن ساي الا زول اتهابل وقعد يشاغل وهي ماقصرت وبيني وبينك شباب الزمن ده "ماينعطون وجه" وكان شكتا للواحد "بعلّق فيك" موش بس يكتب شعر !

كان ماخايفة هيثم يكرهنا كان تميت ليك الكلام



يديكم العااافية

ودي



التوقيع:




لَو أنَّهُم يَعْلَمون !
نــور غير متواجد حالياً  
قديم 03-03-2010, 06:06 PM   #9
©~®§][©][ قـ صاعد ـلم][©][§®~©
 

افتراضي رد: ياحليل زمان .. وأيام زمان !


بصراة موضوع رائع في المقارنة والطرح واسلوب الحوار الذي نقل لنا من خلاله الحلو (البرنس) نقاش هادف شاركت فيه أجيال سابقة ولاحقة والغريب في الامر حتي البنات مدركات لتلك الحقائق المتمثلة في بنات زمان اجمل شكلا وأكثر ادبا وحياءًُا.
وشعراء زمان برغم الجهل الاكاديمي تفوقوا علينا احساسا ووصفا واستخداما لمفردات اللغة العربية فكان الموصوف يطابق الوصف اما الان فنحن في عالم التجاري والتقليد والسعر البخس وجاني عريان جاري و دخلت مفردات البندقية والدانه كناية علي مدي العنف والبأس العاطفي والركاكة اللغوية وفقدان الاحساس الذي وصلنا اليه .وحلوين ذي ديل بزوروني وانا ماقايل جوني زاروني شايلييل أزهار شايليل الليل قلبه نهاروانا ماقائل .
وتنعدم المقارنة

محمد الفاتح عبد القادر غير متواجد حالياً  
قديم 03-03-2010, 08:02 PM   #10
مشـــرفة منبــر الأســرة
 
الصورة الرمزية دانية
 

افتراضي رد: ياحليل زمان .. وأيام زمان !

الأمير الأنيق

دائما مواضيعك .. تلفت الانتباه

من يحن الى الماضي فشل في التوافق مع الحاضر
انها احدى نظريات ( ديكارت )

لكن ماتقوله ويقوله كثير من الشباب قد يبطل هذه النظرية
فكثيرا من ارباب الموضة ومن يلبسون البنطلونات ( طيحني ) والحلّق والشعر ابو البكلة ويتحسرون على جيل زمان

لكنك لن تصدق .. أنني أحدهم كنت اتمنى ان اعيش في ذلك الجيل
واكون من ذوات العيار الثقيل امشي الهوينى كما يمشى الوجى الوحلُ
وتفوح مني رائحة الكركار والفرير
( ربما يعود ذلك لارتباطي بحبوبة وتربيتها الصارمة لي وحبي لها ومحاولتي تقليدها في كل شيء )

الشيء الذي لابد من ان نشير اليه لنكون منطقيين هو ان لكل جيل مميزاته وعيوبه

وان كانت المرأه في ذلك الجيل قد تغنى بها الشعراء فتلك شخصيات تذكر على اصابع اليد الواحدة
سيدة وجمالها فريد
وظبية المسالمة
وست الجيل
والى غيرهن من السيدات الاتي كن حول هؤلاء الشعراء

صحيح ان الجيل الحديث تغلب عليه التقاليع واصبحن البنات ( أكثر من الهم في القلب ) لكن أكيد هناك بنات الناس
العفيفات الجميلات


تخريمة :
نسبة لوجود منزل الاسرة الكبير في حي العرب فأنا أكون قريبة من تلك الاحداث وتربطنا بكثير من أسر أولئك الشعراء صلات وطيدة

وقد رأيت أحدى من كتب فيها الشاعر سيد عبدالعزيز أحدى قصائده المشهورة
اصبحت زي ماقالت حبوبة
( يخوفوا بيها الوليدات ) أطال الله عمرها


بيرنس كم تعجبني مواضيعك ...

دانية غير متواجد حالياً  
قديم 19-03-2010, 04:55 PM   #11
الرقابــة "أبوهديل"
 
الصورة الرمزية هيثم نمر
 

افتراضي رد: ياحليل زمان .. وأيام زمان !

اقتباس:
المشاركة الأصلية كتبت بواسطة عــــمــــرو مشاهدة المشاركة
هسي انتا كان شاغلتا ليك بت في حتة والبت انتا ما عجبتها لأنك شين شناه مررررة !! شعرك قرقد بالدهان مابرقد !! وشلاليفك كباااااار !! وقصير ويدينك طوااال !! ووسخان ما عندك حق الرغيف !! تسمع الكوراك في الحلة الجمبكم وتسمع السب والشتايم !!! وعادي جداً تقلع الشبشب وتديك في راسك !!!
لكن تعال لو كنتا وجيه حبة وحبذا لو فيك شبه من ( مهند ) أو اي مغني أمريكي من المطربين الافارقة !! ياداااااب تعبتا ياصاحبي !!

أها يا عمــرو ..

براك قلتها .. شفتا كيف المقاييس بقت عند البنات ؟؟

يعني يا تبقى مهند يا يسكّنك بالشبشب !!



وتقول لي بقرأ في الرباط !!!



هسي عليك الله ما " حليل أيام زمان ولاّ لأ ؟ "

كدي قول لي البنات اللي مركبات عدسات لاصقة ديل
خضراء وزرقاء وبنية و بيجية !
ما خلـّوك .. تحوّص ؟


لأ واللي زاد الطين بلة .. يقول ليك .. ظِلال !!


إتخيل معاي ..


بشَرة سمراء .. عدسات خضراء .. ظلال لونو أحمر ..!!


معقولة بس ؟


والله دي إلاّ تكون " بطيخة "



ياريتهم بس سمعوا الراحل المقيم مصطفى سيد أحمد
وهو يتغنى بكلمات المبدع : صلاح حاج سعيد


عينيك مدن ..
منسية فى كتب التواريخ والزمن
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] وطن
مشدود على وتر التباريح والشجن
ممدود على حرف الكتابة
مكتول عنا ومكتود صبابة
وفية حط النيل سكن
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]يك سفر مكتوب اعيش فى غربتو
واعشق عذابو وحرقتو
وليلو الطويل



اقتباس:
( وشيل شيلتك مع جكس المنتدى )
!!!!!!!!!!!!!!!!!!!!!!!!!!!!!





إنتَ قُلتا بطّانية ولاّ بطّارية ؟؟؟؟

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


وعَرِفتُ انكِ كُنتِ لي قيداً
حَرِصْتُ العُمرَ الاّ أكْسِره..

فـكـسـرْتني !!

هيثم نمر غير متواجد حالياً  
 

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ود زمان + بت القبايل = ؟؟؟؟؟؟؟؟؟؟!! فقرية إرشيف سودانيات للمواضيع القديمة 21 24-06-2007 05:54 PM
مقتل صديقة الامير وليام في العراق بوب مارلى إرشيف القسم الترفيهي للمواضيع القديمة 1 21-04-2007 03:40 AM


الساعة الآن 04:07 PM.


Powered by vBulletin® Version 3.7.2, Copyright ©2000 - 2014, Jelsoft Enterprises Ltd. TranZ By Almuhajir
جميع الحقوق محفوظة لمنتديات سوداني للأبد