« آخـــر الـــمـــشـــاركــــات »
         :: ( تعالوا نعالج بعضنا)..فالحكومة تشغلها الفضائيات..!! (آخر رد :عاشق التاكا)       :: علامات ليلة القدر (آخر رد :ابومفاز)       :: خطبة الجمعة من مسجد أمانة معاذ بيرمنجهام والشيخ الدكتور ونيس المبروك من ليبيا (آخر رد :بشرى مبارك)       :: مختارات الجمعة الأسبوعية 2014_1435 (آخر رد :ود عباس)       :: رمضان كريم (آخر رد :gadoahmed)       :: لماذا تصمتين ؟ (آخر رد :ابومفاز)       :: شبحٌ يسكن في دارنا ! (آخر رد :أبو المعالي)       :: حكم زيارة المقابر يوم العيد والاستغاثة بهم (آخر رد :أبو المعالي)       :: للتواصل حضور و غياب و تحايا دعوة للتواصل من جديد (آخر رد :ود النيلين)       :: سلام عليكم (آخر رد :ود النيلين)      


العودة   منتديات سوداني للأبد > المنبر الأدبي > الـــشــعـر الغـنـائــي

الـــشــعـر الغـنـائــي قسم يختص بمختلف الأشعار التي تغنى بها الفنانين السودانيين

إضافة رد
 
أدوات الموضوع
قديم 26-01-2011, 06:11 PM   #1
الرقــابة
 
الصورة الرمزية ام منير
حصري مكتبة أغانى الفنان الراحل المقيم صديق الكحلاوى

. حاول يخفي نفسه ........
حاول يخفي نفسه وهل يخفي القمر في سماه
ابــــــداً لا وطــــــــــــــبعاً لا شفــــناه شفنــاه
حــــــــــــــــاول يخفي نفســـــه وغير اتجــاه
سطع النور في افقه وكل انســـــــــــــان راه
خلنا البــــــــدر اشــــــرق كامـــــل في علاه
وخلناالزهــــر فتح من انفـــــــــــاس شــــــذاه
جذاب حسنه رائع لادن خلـــــــــــقه مـــائع
رقـــــــص البان مشيه تحــــــب تنظر مشيه
عيـــــــــونك تختشيه من قــــــــوة ضـــيا ه
ومن شــــــــــــــــــــــــــــــدة حـــــــــــــياه
مــــره اذا نظــــــــــرت ونظرو اليك رنــاه
قلبك ينشـــــــــــرحله وترتاح لي لقــــــــــاه
دون تشعر تحــــــــــبه وتلهج في ثنــــــــا ه
مره تقول كبـــــــــدر ومره تقول كزهـــــــــر
مره تسمي شعــــــــري ومره تعمي سحــــر
تغلب فيه اســــــــما وبرضـــــــو تشوفو اسمي
كل وصـــــــــف تراه اقــــــــــل من مســـتواه
مترفع عظـــــــــيم عالــــــــــي بعيد مــــــــداه
مــــــلا العين جماله الزاهـــــــــــي رشح نداه
يلالي والكواكــــــــــــــــب تتناثـــــــر حــــداه
فيه الحســــــــــن اودع ماملكـــــــت يــــــــداه
مفرح وشــــــــــــــــــــــــوفته تفـــــــــــــــرح
يتلقاك باسم كالزهر المنسق في زمن المواسم
تشوف في مقلـــــــــــتيه حياء ودلال وتـــــيه
واللحــــــــظ اليجـــــــــرح والوجـــــد المبرح
انــــــــــــــا مـــــــــــن دون اصــــــــــــــرح
لي قلب اصطفاه وهــــــــــــــــسه هناك معاه

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ام منير غير متواجد حالياً   رد مع اقتباس
قديم 26-01-2011, 06:15 PM   #2
الرقــابة
 
الصورة الرمزية ام منير
افتراضي رد: مكتبة أغانى الفنان الراحل المقيم صديق الكحلاوى

********حليل زمن الصبا*********
حليل زمن الصبا الماضي ** حليل زهر الحياه الزاهر
حليل زمن الحبيب راضي ** حليل زمن الهوي الطاهر
حليل الابلج الزاهــــــــــي ** حليل الكاحل النايــــــــــر
حليل قمر السما الباســــــم ** ليالــــــيه وصبح دايـــــر
***************
اه لوتفيد مجــــــــــــــروح ** والمثل القــــــــــديم ساير
رهاب ما حصلو الجــاري ** وسماك ما بيحصلو الطاير
تجدني مراقــــب اخبارك ** اذ النسمـــات لها تخا بــــر
** تجدني علي الاسي صابر **
انا البعدك اصون عهدك ** وليتك كنت بي خابــــــــر
وليتك مره تذكــــــــرني ** ولو في ذكــــــرة القابـــــر
فداك نوم عيني يا نايــم ** وهل بلغك اني مساهـــــــر
اراقب في كواكب الليل ** اراك بيناتها ماك ظــاهـــر
**************
اغفي الطرف واتناوم ** اقـــــــول للحسنخ لي جاهر
متين انظر جمال نورك ** وين ياكـــوكبي الزاهــــــــر
جمالك يسعد الشــــافك ** صباحك يسعـــد الخاطــــــر
مياسك ده الهلك ناسك ** ودلالك وبسمــــة الفاطـــــر
*****************
عيونك وازدهار لونك ** زهور وسما الندي القاطـــر
وروحك روح نسيم الروض * اذا مزجو الشذي العاطر
تعود لمسالمتك سالم ** بعودة سلامه يا مســـافــر
اشوفك زي ملاك رحمه ** اشوفك زي غـــزال نافر
*****************
اشوف فيك هيبةالظافر ** اشوف في محيك البـــدر
**** البفوق بدر السما السامر ****
ذكري اهاجت الذكري ** دوام في فكرتي تخامــر
حليل الماضي وايامـه ** حليل الرونق العامـــــــر
حليل زمن الحبيب طايع ** حليل زمن الحبيب امر
زمن الكنا لانـــــــدري ** بما كان الزمن ضامــــــر

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ام منير غير متواجد حالياً   رد مع اقتباس
قديم 26-01-2011, 06:21 PM   #3
الرقــابة
 
الصورة الرمزية ام منير
افتراضي رد: مكتبة أغانى الفنان الراحل المقيم صديق الكحلاوى

هواك هواى

هواك وهواى بى جاروا وسبن أفكارى نظراتك

أحب تعطف تزيل وجدى واحب كل البحب ذاتك


بحب لونك بحب لونك بحب يا حبى نفحاتك


بحب فى خدك الزهرة وبخاف ترمينى لمحاتك


أخاف صدك بخاف جورك واحب تتهنى بحياتك


بحبك حبى للعافية وكمان يا سيدى وحياتك


بحب فيك الحيا الفطرى ويذوب من حالى صيحاتك


إذا فى حبكم ضعت واذا أُقبر فى ساحاتك


أكون للحظ دوام شاكر وأقبل أنت راحاتك


أحب أنظر جمال محياك وأخاف تسحرنى بسماتك


وأخاف لحظك يجرحنى واحب تسكرنى بسماتك


وأحب طيفك يأنسنى واحب تسمعنى نغماتك


وأخاف هجرك يطول بى و أخاف تحرمنى كلماتك


منعم يا فريد عصرك سعيد وسعيده ساعاتك


مكمل يا نزيه صافى وعفافك فطرى مافاتك


وديع وبديع مثال رقة حشيم والريم هوى صفاتك


أٍرت فؤادى يا ضامر ودمعى خضاب فى كفاتك


زيد يا دمعى فى سيلك وزيد يا صدرى زفراتك


حبيبك ودعك راحل زيد يا طرفى عبراتك


حمام الأيك حن مره تعال أسمعنى نبراتك


طربت أم در مقر أملى زمان كفاى عباراتك


ضاع صبري
ضاع صبري - عبيد عبد الرحمن


ضاع صبري اين ياوصـلي..
قلبــي بنارالغرام مصـلي
ياعـهود امالي أنفصــــــلي..
مابقيـف من النـويح أصلي
عقلي يوت كل ساعة ينقص لي..
فيك ضاع ياطـيبة الأصلي
أيه ده ليل والبدر واضـح لي..
ام ده دعسـك محيو فاضــح لي
يالعيون عاد روقـي وحـلي..
خفي رمشك ده المجـرح لي
زاد من نار الصدود وجلي..
يامعاني الشـعر والزجــــــــلي
باهي جيدك والخــديد مجلي..
ترى ده الهـلاك في الأعين النجـلي
ليك نسايم الشوق دوام رسلي..
في هواك كم ضايع مثــلي
ماسليتك وأنت كيــف تسلي..
وأنا صرت ميت وميت والدموع غسلي
مالي ياليل الهم تجمع لي ..
ديمـه يا نيراني تشــتعـلي
يابدر بالله أســطعـلي..
وياسـهيل أرجـوك تسمعلي
ترمي محييك في الكـــفل تعلي..
تفني قامتك بالصـدير تعـلي
ياحمام بالله أسـجع لي..
ماله ضـــايع في الخيال فعلي

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ام منير غير متواجد حالياً   رد مع اقتباس
قديم 26-01-2011, 06:28 PM   #4
الرقــابة
 
الصورة الرمزية ام منير
افتراضي رد: مكتبة أغانى الفنان الراحل المقيم صديق الكحلاوى

قالو قالوا على شقي ومجنون
صحيح مجنون انتو جنوني ياحلوين
******
انتو لقلبي زاد عمره
وليه المنّ والسلوى
جنوني عيون
عيون لو شافها عطشان السنين يروى
ليه ما اجن
الليل البشيل الناس
بشيلو هموم
أقاسى مرارة الوحدة
وأغالب لوعة المحروم
بتعذب سنين ما ضقت طعم النوم
صحيح شقي ومجنون
******
كثير امثالى من هجر الحبيب جنو
إن شاء الله أجن وأزيد في الجن
انتو تجافوا ما تحنوا
إيه أنا عندي في الدنيا
فؤادي انتو مالكنو
شبابي الكنت بحلف بيهو
دمرتوه من بدري
وليكم يا حسان الحور
هديت الباقي من عمري
انت بتقولي اصبر
الصبر كملتو بصبري
صحيح شقي ومجنون
*******
أساهر الليل برايا برايا برايا
وبشوق السنين ممكون
بتحسر وأشيل الهم
على يوم بكره كيف حيكون
دموعي الدمعة باريه الدمعه
طارده الدمعه ذارفه الدمعه
انت بتقولي مجنون
وحات الضقتو في ريدكم
صحيح شقي ومجنون


التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ام منير غير متواجد حالياً   رد مع اقتباس
قديم 27-01-2011, 03:35 AM   #5
مــراقــب عــام
 

افتراضي رد: مكتبة أغانى الفنان الراحل المقيم صديق الكحلاوى

الأخت الغالية أم منير
أسعدك الله وأنتِ تتخيرين لنا درراً من الغناء السوداني الجميل وأصواتاً لمبدعين شكلوا الوجدان الفني لشعب السودان الجميل، الكحلاوي أعتبره ملك التطريب في الغناء الشعبي، يمتلك صوتاً دافئاً طروبا، ويمتلك أيضاً حضوراً طاغيا على المسرح، فشكراًلكِ لأنك أعدتي لنا أمجاده الفنية.
وقبل أن أختم أوّد أن أشير إلى أنَّ أغنية ضاع صبري ليست للكحلاوي ولكنها حسب علمي للمطرب صاحب الصوت الحنين أحمد الطيب وهو والد المطرب عماد أحمد الطيب وأرجو تصحيحي إن كنت مخطئاًيا أختي العزيزة.
احترامي وتقديري أم منير

التوقيع:

أوَّلُ الغيثِ...... قطْرَة
وأوَّلُ الرحيلِ..... فِكْرَة
وآخرُ العشقِِ ... ذكرى !!

الراحل الابدي غير متواجد حالياً   رد مع اقتباس
قديم 27-01-2011, 10:15 AM   #6
الرقــابة
 
الصورة الرمزية ام منير
افتراضي رد: مكتبة أغانى الفنان الراحل المقيم صديق الكحلاوى

بسم الله الرحمن الرحيم
السلام عليكم ورحمة الله وبركاته
الاخ الرائع وصاحب الكلمات المنمقه دائما الراحل الابدى لك التحيه وسعيده جدا لانوا المجموعه نالت استحسانك للراحل المقيم الفنان صديق الكحلاوى رحمه الله بقدر ما قدم من إبداع ونشر الفرح والقبطة فى قلوب الناس
تطرقت فى حديثك الى أغنية ضاع صبرى هى وحسب علمى للشاعر الكبير عبيد عبد الرحمن وهى من أغانى الحقيبه تغنى بها صديق الكحلاوى وأيضا الفنان الكبير الراحل المقيم أحمد الطيب وكثير من الفنانين
تقبل فائق احترامى وتقديرى

التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

ام منير غير متواجد حالياً   رد مع اقتباس
قديم 16-02-2011, 11:23 AM   #7
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

يامن فاح طيب رياه
يامن فاح طيب رياه ** علي ميت الهوي احياه
....... فؤادي الشوق أعـــــــــــياه ....
يامن بدي نور محياه ** يفوق بدر السما في ضياه
اذا لاح برق ثناياه ** السحاب يبكي يذوب في مياه
..... وقلوبنا تذوب ويــــــــــاه .......
بدر تم الفاق في علاه ** النجوم مانارت لــــولاه
غرامك كيف احيا بلاه ** الشليخ الحسنك جلاه
......... في خديدك ماحــــــلاه .......
السهم العينيك ناتراه .... ياجميل مشتاق طرفي يراه
...... صحيح دي عيون ساحراه ..........
ملاك سبحان من سواه .... ورفع في الفرقد ماواه
صعيب قلبه ما اقواه ** عشوقه المرضان يهواه
...... يقتله وشوفته دواه ....
سعيد الحسنك وافاه ** المريض شوفتك فيها شفاه
حبيبي البي مابيخفاه ** وما استحمل قلبي جفاه
...... من هجري كفاه ،،،، كفاه ......

زيـن العابدين غير متواجد حالياً   رد مع اقتباس
قديم 16-02-2011, 11:25 AM   #8
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

،،،،،،،،،،، كيف الحياة غير ليمك ،،،،،،،،،،،،،،
كيف الحياة غير ليمك في بعدك اصبح حظي زي لون هضليمك
،،،،،،،،،،،،،،، يانعيم الدنيا ،،،،،،،،،،،،،،،،،،،
ياحليف الخدري التايه في نعيمك مادام هاجرني ارسل لي نسيمك
وانعش لي روحي بندي جسيمك اوطيب المسك الفايح من تبسيمك
يا اماني حياتي البيك نور اقليمك يتمني التبري يلمع كا اديمـــــــك
مشتاقه الشمس تظهر بي ليمك تاخذ من نورك تلثم لي قـــــــديمـك
يافرع البانه المايل في خميلك من قامتو حبيبي متعـــــلم ميلـــــــك
يا البدر التم مايتم تكميلــــك لوماتجعل لي محـــــبوبتي زميلـــــــك
سيوف الهندي لحظة عينك ليه بيها تصيبــــــــــني ليه بيني وبينك
غير اني بريدك وحياة خدينك كف عني صدودك ياروحي وبيـــنك
ليك حق في صدودك وتيهك وتدليلك ليك حق تهجرني ويكتر تعليلك
مادام فردي علي جيلك تمتاز بالعفه المانعاني ....... اجــــــــــيلك
مع صدك وهجرك لازلت اريدك ومـــــــنام عيني خطوط جيـــــدك
تيه بي نعيمك مـــــــــولاي يزيدك ضيعت حياتي تسلم لي ايــــــدك

زيـن العابدين غير متواجد حالياً   رد مع اقتباس
قديم 16-02-2011, 11:28 AM   #9
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

يا رشا ياكحيل غيثني
لصالح عبدالسيد ( ابوصلاح )

يا رشا يا كحيل غيثني ــــــــ الهـــــــــــوي ســـــــــباني
يا الامرضني وماطباني ــــــ في خديدك يلوح نور رباني
نيران اشواقك لاهباني ـــــــ واسهام الحاظك ناشبانـــــــي
ومن ضمن الحاله التاعباني ــــ مهضوم كشحك وصدرك باني
يتمادي يميل خصرك فريع باني
من شفت الحسن الفتاني ــــــ قلبي ترحل ووجدي اتاني
ومال جيش حبك عتاني ـــــ بسهامة الما بتختاني
ومال صدركلحشاك تاني ـــــ وكتفك مال به فريع بستاني
يتكل في دروعه يبوس تاني
لو للشعر قصيدو مساني ـــــــ ما بجيد وصفك غير لساني
في فؤادي الحب مساني ـــــــ واصبح بي هواك وما ساني
مايصح منك تنساني ـــــــــ لوغاب شخصك عن انساني
غير شك اوصاف حسنك مؤانساني
هبتلي روائح داهشاني ــــ يانسيم عقب عود علشاني
قول ليه غرامك اغشاني ــــ وادركني الدمع الرشاني
الجمال شانك والحب شاني ــــ يا نسيم روح بلغ واغشاني
بي حق من انشاك وانشاني
ليه يا ملاك حسنه سباني ــــ ليك نوره وليك نار سارجاني
طرفي اللمحك هو الجاني ـــ في بحور اشواقك زجاني
فيك خاطر بي ونجاني ـــــ اعلم اقبل سعدي وجاني
لو في الاحلام طيفك نجاني

زيـن العابدين غير متواجد حالياً   رد مع اقتباس
قديم 16-02-2011, 11:31 AM   #10
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

لحظك الجـَـرَّاح

شعر : صالح عبد السيد ابو صلاح


لحظك الجرّاح
أذاي فيه ، وفيه الطرب والراح
مناي يا زهرة الأفراح
***
للقلوب شرّاح
مبتعد شيء عجيب ، مسجون وعندو سَرَاح
بيّ ضاق الكون ، لا أجدلو بَرَاح
منّي فارق ، وشال نوم عيوني ورَاح
***
عمري أضحى مُبَاح
وفي الغرام لا أقصد غير لقاك أرباح
سِرِّي ليك يُبـاح
مع الظلام تتبسم وليلي يبقى صباح
***
جيش غرامك زَاح
هَـدَّ حِصـن المُهجة ، ولي دِمَاي نَزَّاح
وعقلي كـاد ينزاح
وقُلّي هجرك جَـدْ يا جافي ولاّ مِـزاح
***
ليك مُحَي وضَّـاح
وليك جبين بي نور ماء الحياءْ نَضّـاح
والدمع فضَّـاح
وبي سِـرْ هواي البَيْ تعلمبو دون إيضَاح
***
تِعبَت الأصْـفَاح
وطرفي جافى النوم من طِيب عبيرو الفاح
من جفونو صِفَـاح
في مِبيسمو عقد الدُر ، في صدرو جوز تفاح

زيـن العابدين غير متواجد حالياً   رد مع اقتباس
قديم 16-02-2011, 11:34 AM   #11
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

يا حقيبة الفن العظيم


كلمات الشاعر: عبدالمحمود سليمان
لحن وغناء : عوض وابراهيم شمبات



يا حقيبة الفن العظيم أنت راقيه ومعناك عظيم


من ابو الريح فاح نسيم يلفت افكارنا عشان تهيم



أنت حبك بنا مستديم حلوه تفرح قلبا كليم



فيك سيد فاض سن قول من عجائب شعر المهول



في الطرب ما خلاله زول في نفوس شبان وكهول



ليك عبيد ابدع في النظام اجاد درر من افصح كلام



لله در العبادي قال في معانيك افسح مجال



فيك صالح نظم الكتير فيك يا القلعه بدر منير



يا خليل ايام ناس علي كان مقالو الشيق جلي



أذكر العمرابي الرسم شعره كالزهر الأبتسم



ثم ودالرضي القسم في سهيل يوضع ليك سهم



خلي عرج علي ودعتيق كم سيك فيك شعره العريق



كان بطران نور الطريق سامي جاغريو بي شعره الرقيق



في الضمير حدباي ما نساك أنت وين في الفرقد علاك


زيـن العابدين غير متواجد حالياً   رد مع اقتباس
قديم 16-02-2011, 11:37 AM   #12
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

غنى القمري على الغصون


غنى القمري على الغصون
ذكرني الدر المصون
فريد عصره الما متله شىء


قمرنا الليك مطرف يصون

يالغصن البزري الغصون
ملاك محروس داخل الحصون
شمس الكون تشبه مشيه
فريد عصره الما متله شىء


قاسي سماع لهجه الحنون

عظيم كالمال حلو كا البنون
بي لهجه يداوي الجنون
شعاع محيه العين تختشيه
فريد عصره الما متله شىء


جميل متلك ما أظن يكون

حيا ورقة وعفة وسكون
يالبدر الليه روحي كون
في حسن الكون ما خلى شيء
فريد عصره الما متله شىء


ليك عالي العالم يهون

يالرشا يا اللدن المصون
مناظرك فيك يتنزهون
يالمطران مما مشيه
فريد عصره الما متله شىء

زيـن العابدين غير متواجد حالياً   رد مع اقتباس
قديم 16-02-2011, 11:39 AM   #13
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

هجد الانام
عمر البنا
---------------
هجد الانام وأنا وحدي مساهر
والنحول علي جسمي ياحبايب ظاهر
أسبابي الحب الطاهر
أسباب سقامي وبكاء طرفي الساهر
لأذاي بعادك مضي سيفه وشاهر
مره أندب حظي ومره أهتف أظاهر
أشكو دهري وأناجي النجم الزاهر
إنت عادل وظالم إنت ناهي وآمر
يتمني البدر ليك يبقي مسامر
كونك دواما في نوراليه مخامر
إمتيازك عنه إنت هادل وضامر
بالبان والاسي مال قوامك ظافر
علي صدرك قنبل كم أسلم كافر
العيون والضمره والوريد الوافر
من محاسنك غارن الغزال النافر
كل ما أكتم حبك دمعي بيه يجاهر
مابفيدني طبيب مهما يكون ماهر
طبي مابين كوثر فاك وبين جواه
سنك اللماعه والخديد الزاهر
عار صفاه التبري من صفاك الناضر
ياخلاصة الحسن في العصر الحاضر
الملوك ليك تخضع لنداك تقول حاضر
تخشي سطوة حسنك وفيك يتلو محاضر
بي وصالك جاحد وبي جفاك مبادر
كاليزيد في الجبره وفي بخاله مادر
بجمالك وحسنك يالفي عصرك نادر
لي أرحم حلمك راعي لاتكون غادر

زيـن العابدين غير متواجد حالياً   رد مع اقتباس
قديم 16-02-2011, 11:41 AM   #14
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

نوركم
سيد عبد العزيز

-------------
مسوا نوركم
المن جبنا صباح
الصباح إن لاح لافائدة في المصباح
هل أتاك حديث الكوكب النضاح
قمره تمطر خمره وحارسها الفضاح
أو تحيجنا محاسن الشمس للإيضاح
مابتحيجنا محاسن محيها الوضاح
نور جمالها دهشنا مع الفصاح
بين ناطق صامت وبين صامت صاح
غانية غانية محاسن فقيها شوف ياصاح
الجمال الفيه كل معنى صاح
تنظر الأيات من نور على ألواح
المعاني ومنية الأرواح
في العيون المرضن السحر لأح
يجذب الألباب أو يفرح النواح
القوام اللادن الأريج الفاح
من جسيمها الناعم الأثمر التفاح
خلا عقلي وخلا في حشاي كفاح
جيش هواها إحتل قلعة الأصفاح
روضة غناء جمالها يجلب الأفراح
وحورها من الجنة فيها تسقيك راح
كل هذا تراه مابيزيل أتراح
من يحبه تهالك إستراح وراح
يسألوني أحبابي ماشفيتي جراح
بل شقيتي فؤادي بمدية الجراح
صرت أتلو حديثك في الوجود بصراح
لوتليت بكتابي سميت بالشراح
فيك نظرنا مناظر يعلم الفتاح
لوقفلنا قلوبنا كان لهن مفتاح
أجرى أو لم أدري صرت كاللمتاح
لورضاك هلاكي أنا للهلاك أرتاح
ماجنيت في هواك وماعلي جناح
إشتكيت للقمري ولم يعيرني جناح
يكفيك لساني الغنى ليك وليك كم ناح
لورثيت به حياتي ماإحتجت لي مناح

زيـن العابدين غير متواجد حالياً   رد مع اقتباس
قديم 16-02-2011, 11:43 AM   #15
©~®§][©][قــ ساطع ـلم ][©][§®~©
 
الصورة الرمزية زيـن العابدين
 

افتراضي رد: مكتبة أغانى الفنان الراحل المقيم صديق الكحلاوى

هات لينا صباح

يخجل البدر ويخمد المصباح ياليل هات لينا صـــــــــــــــــــباح
نحن كل صباح نبني في الامــــــــــال ما وجـــــدنا ربـــــــــــاح
سرنا المكتوم بالدموع انباح السهاد اصبح امرو فينا مــــــباح
الجمال شراح للصدور لكــــــن للقلــــــــــــــوب جـــــــــــــراح
قالوا اهل الحب بالزمان الراح نشوة الاشواق فينا يبقي مزاح
ياهوي الارواح عطــــــــــــر الدنيا وأمـــــــــــلاء الاســــــواح
كم عشـــــــــــوق مهمـــــــــــوم لينا امــــــــــرو الـــــــــــــراح
عينـــــــــــو في الورد ونفســــــــــو فـــــــــــــي التفـــــــــــاح

زيـن العابدين غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مكتبة أغانى الفنان الراحل المقيم محمد أحمد عوض ام منير الـــشــعـر الغـنـائــي 16 18-02-2011 12:48 PM
الراحل المقيم / عبد العزيز محمد داؤود عاشق التاكا تفاصيل سودانيــة 6 10-10-2009 02:03 PM
برنامج ليلة الوفاء للفنان الراحل المقيم : مصطفى سيد أحمد معتز القريش إرشيف المنتديات العامة للمواضيع القديمة . 0 07-09-2007 02:08 AM


الساعة الآن 01:41 AM.


Powered by vBulletin® Version 3.7.2, Copyright ©2000 - 2014, Jelsoft Enterprises Ltd. TranZ By Almuhajir
جميع الحقوق محفوظة لمنتديات سوداني للأبد