« آخـــر الـــمـــشـــاركــــات »
         :: مدمن في حاوية النفايات (آخر رد :أبو المعالي)       :: مخالفات في الحيض والنفاس (آخر رد :أبو المعالي)       :: كفاك بعداً عن كتاب الله (آخر رد :أبو المعالي)       :: أم تساعد ابنها على إخفاء معالم الجريمة (آخر رد :أبو المعالي)       :: حكم الإسلام في عيد الأم والأسرة (آخر رد :أبو المعالي)       :: مختارات الجمعة الأسبوعية 2014_1435 (آخر رد :ود عباس)       :: للأاسف هذا حالنا فى هذه اللحظة (آخر رد :magic4ever)       :: ابتعثه والده .. وعاد بـ ( الإدمان ) و ( الإيدز ) (آخر رد :أبو المعالي)       :: يا حبذا الجنـــــــــة واقترابهــــــــا (رائع ) (آخر رد :أبو المعالي)       :: مقطع مؤثر عن العقوق (آخر رد :أبو المعالي)      


العودة   منتديات سوداني للأبد > المنبر الأدبي > ســنـديــانــة الـشــعــر > ديــــــــــوان المســادير > دار الهمباتي الأغبـــش

دار الهمباتي الأغبـــش يختص بكل أعمال الشاعر الهمباتي

إضافة رد
 
أدوات الموضوع
قديم 15-01-2012, 12:18 PM   #1
فطــاحلة الدوبيــت
 
الصورة الرمزية الهمباتي الأغبش
 

حصري اجمل حوار بالمرابيع - كان في كرسي النمة والشاشاي

كرسي صفحة النمة والشاشاي بين الهمباتي علي الحوار وود مسيخ جالس علي الكرسي

الهمباتي الاغبش
بسم الله ابتديت وصلاتي دايما وافية
علي سيدي الرسول يارب تكون الكافية
بي عدد الرمال وعدد الخلوق متحافية
ولي السمار سلام بي ود مسيخ تب عافية


ود مسيخ
مرحب بي الصمد تربال حروف وقوافي
حارساك الفضائل ليك مابتقافي
ثابت في الحديث توب الرزائل نافي
مرحب بي المعاك صحبة وودادأ دافي


الهمباتي الاغبش
ليا سبوع تمام يا ود مسيخ متحاسي
وعذرا للجميع النت علي متقاسي
الليلة الكلام ناويهو شايلو مراسي
من وين في الاهل سو يالاصم متواسي


ود مسيخ
ولدك ودمسيخ كل القبائل هيلو
جعلي وفي الجميعاب الفرع متكيلو
قول ناس الشهيناب إن قصد تفصيلو
من أم در شمال سبعة وتلاتين كيلو


الهمباتي الاغبش
حباب اهلي الحنان تركة جعل متلامة
وعمو ام در سلام حد الشهيماب عامة
حقيت الغريق كارفاهو روخا شامة
ميلاد التلب وين في البقع كان خامة


ود مسيخ
في البلد الاخير الفي الرواية ذكرتو
مليان منو بي الطيبة وحنانو درستو
كم حالي النسيم من طيب شذاهو كرفتو
من فارقتها الهناء والسعد ماعرفتو


الهمباتي الاغبش
من تبيت صغير ووقدرت تفرز روحك
اكيد فوق الجهل كملت دودير سوحك
في القصص اللذاذ احكيلنا فصل نوحك
الرمة وشليل يعمك من اتاري صبوحك

ود مسيخ
عندي حكاية في الكورة وحكيتا كتير
زمان زمن القراية ولعبة الدفير
حسب مازول سمين وفي فنونه عوير
إعزلو الدنيا ست وأنا بحدقوني أخير


الهمباتي الاغبش
للروضة انبرمنا وانت يعميك فيها
والجهال كتار اتلمو تب حوليها
ماقبل المدرسي وين البداية عليها
ولاك لما فت لي المدرسة مواليها


ود مسيخ
نحن زمنا لارياض لا حشاوي صباح
حت علم الخلاوي مرقنا منو قماح
بديت بالابتدائي وحزت فيهو نجاح
بعدو العام حليلو الببدأ في النتاح


الهمباتي الاغبش
الالقاب كتار من المواقف جاية
في زمن الصبا وكتين تكون كاواية
زولك داك تجم وداكا التقول براية
سوي القول صر اح لقبك بدورو معاية


ود مسيخ
كل زولأ سمين جابو المسلسل زولي
امسك فيا إسمو إظل معاي ياحولي
تختخ في الكتاب وعمك المدبولي
والراجل التخين الفوق دعاية لولي


الهمباتي الاغبش
زمن الاردية الكحلي ولبني داك قميصو
وحاشين القميص ضمر مقابلو نصيصو
زمن الشنطة ديك خرتاية من تقصيصو
ولا اكتا شايل شنط الضهر وترصيصو


ود مسيخ
ياعمي الصمد شكة شنو الضقناها
كنا أولاد شقاوة نعومه ماشفناها
نشرد من دروس العصر ننساها
شان نلحق رجوع سارحات نكسو جناها


الهمباتي الاغبش
تراهو الابتدائي شايل حكاوي كتيرا
ونختر منو للوسطي وبناها وجيرا
من احلي المراحل فينا داقا السيرا
يا حليلا اتمحت فضل الخراب في غيرا


ود مسيخ
أحلي مراحل التعليم وفيها حلاوة
بداية الريد ومعرفة الجماله نقاوة
تمسك في حروف الانجليز تتقاوة
الا الواي قسم فيها الجريد إتلاوة


الهمباتي الاغبش
كمان يا ود مسيخ فيها المناشط عُدا
بذرتا لي المواهب فيها تنمو وتبدا
كمان سمح الصفات منشاها ياخد مَدا
هل كانت مواهب فيك ما بتنسدا


ود مسيخ
كت نحلة مناشط وفي الطوابير نكته
حافظ في للغنا وملكة مدائح حزته
درجات النجاح في القصائد نلته
شغلتني الاخيرة الا برضو نجحته


الهمباتي الاغبش
نبكي الوسطي تب بي كوم دمع متردم
ويختر في العلام للعالي زول متصَدم
هل قضيتا ريد فوق ام سماح متقدم
ولا هناك فهم للجامعة فيك متكردم


ود مسيخ
الاتنين سواء ذيدلهن الاعمال
كت مهوس اكون ذي ديل رجل اعمال
لكن فيهو خليت الغياب وإهمال
شان بانت شروف الجامعة فوق البال


الهمباتي الاغبش
دغدغ قلبي ريد طفر علي في العالي
ومن لبني الجمال دزون عناقا حالي
اب نهدا مدافع مفصوف وتحتا مالي
نم سوي الحروف فوق السماحا مثالي


ود مسيخ
فيهن كت بشوف عبلة وسماحة لبنة
الحياء والعفاف فوق الخدود عزبنا
داب ختة السدير في وصفو إتكربنه
عاشقين كنا جد الا النضم بغلبنه


الهمباتي الاغبش
الجامعة البقت دانية وقطوفا قبالي
وين ختيت نعالك في الدروب متوالي
الجامعات كتار مالية البلد لي الدالي
سميهو المجال الفيهو داخل ومالي


ود مسيخ
قريت الجامعه في البلد المنافي الطرحة
لامنظر يسرك لاالنفس منشرحة
الاسلامية خشيته المكاجنه اللمحه
دارس فيها قانون والشريعه السمحة

الهمباتي الاغبش
حباب قاضي الوصال اللي دوام عاليهو
في ساحة النشاط دور دفاع شاكيهو
اها شورتك هناك وجسمك بدان كاسيهو
وات عارف الجكاسي دايرة الخفيفة مشيهو


ود مسيخ
حنكي سنين بضاريبو العيوب البانت
أحنس بي الشعر كان المناظر شانت
كم قانص علي الفوق السناير زانت
راتني أم ضفائم ليها أيام كانت


الهمباتي الاغبش
محامين الدفاع في الكرسي ختو قضية
وفي محل النيابة تكلو المرافعة عليا
كتار من مستشارين راجية تخت الكية
في الجامعة البقت فيها المساخر حية


ود مسيخ
إعدام الثقافة الجاتنا هسي دخيله
حقو إكون قرار كل المساوي إزيله
نحارب لي لبس بجلب معاهو رزيله
ناس شطفني ديل واديني حقنة طويله


الهمباتي الاغبش
في قلبك ندور ناخد معاك السرحة
عن قصص الغرام كل الخلوق منطرحة
مرات بي الحزن ومرات كتار منجرحة
اول ريدة ليك حسيت قبالا الفرحة


ود مسيخ
كلام الريدة ذي كل الشباب مرابي
من زمن المدارس وسمعيلي عرابي
دائمأ في البنات مجهول فعل اعرابي
ودقديق الشواكيش حتحتن درابي


الهمباتي الاغبش
يا ابو كاتو قول رافع عليها السمحة
ودافع في الوصف ما يبقي قولك قمحة
قضيتك في الغرام قاضيها فيهو اللمحة
سوي القول تمام وصف قصيبة القمحة


ود مسيخ
راسية وفي البنات فارض قرارو هواها
ماخلتني أشوف من البرية سواها
بعد المولي من تيبان محاسنو كساها
سابلها إختيار جيدة وعيونة براها


الهمباتي الاغبش
كتير خلط النجايل والبنيشي مقرّب
وجواب الغرام ان كان وقع بتسرب
ريدك يا الخزين ظنيتو ماهو مغرب
قول الريد اكان عندك حقيقة مجرب


ود مسيخ
ماجرب نجائل وليها ماقطعته
الا الوردة في نص الظرف جدعته
كم فيها الرسائل ياألصمد ابدعته
جاتنا أريبا هسي وبيها إتمتعته


الهمباتي الاغبش
شمارات البنات في الجامعة فيها اصناف
هناي خالط هناية وريدو داك بنشاف
هوي يا انتي قالو الود عديل رجاف
من مايشوفا يرقد دكوة كاسي جفاف


ود مسيخ
كتير كشحنا فوقنا عقاب قزاز الكولا
من مانشوفه داخله الناس تقيف لي طولا
بنرجف بي أدب بس الحقيقة بقولا
رجفي الريد حلال لو ستو ماها خجولا


الهمباتي الاغبش
مراسلنا العزيز من المناقل جانا
قال ليك السلام من الجميل ادانا
بسال عن كلام في الجامعات ردانا
صحبة بت ولد وري المغص هدانا


ود مسيخ
مكجن قعدتن فوق البناشي عصاري
عامل ود ظريف والجيب ملاهو عماري
كاتله بي المجاعه ومشيت الكداري
فالح في التلص وكمان ولو متضاري


الهمباتي الاغبش
ايملا سريع من زول عزيزمستعجل
خات ليك المعزة وفوق نميم مترجل
قالك يا الاصم في الفيس بنات بتسجل
اعجابا الكتير في الحالة فسر وعجّل


ود مسيخ
بنات الفيس كتار الا القليل في صفي
عاجباتني ديل الا العقاب مو موفي
كيفن عاد تريد في الخاص وتجري محفي
إمكن إكون ولد في توب بنات متخفي


الهمباتي الاغبش
الليلة البلد رمة وصقورا تلمو
ينهشو في اللحم تب العضام انخمو
ترانا علي انفصال غوش الكرور انخمو
رايك يا التلب في الانفصال بي كمو


ود مسيخ
قول لي عمنا الصمد الغناهو سديد
دار الفرقه الكت لي جدودم سيد
زمان جدي الزبير شابك عليهن قيد
كم قائل عليهم إفتح الله بذيد


الهمباتي الاغبش
قبل يومين بشوف صيد المياه العاكرة
مسيرة وكوم وهم فوق البلد متواكرة
خريب في العقاب والناس تصلح فاكرة
لكين الصعاليق خير البلد تب ناكرة


ود مسيخ
ديل ناسأ قرود مابعرفو حتي سياسة
فالحين في محاكاة البطونة يباسة
ناس تونس يمين مابفوتو فينا فراسة
الابلدنا مي ناقصة البقع فوق راسة


الهمباتي الاغبش
نص المجتمع ندخل نعاين فيهو
وحاجاتا كتار خشت غزت حاليهو
نبدا علي العرس كل المراسم الليهو
قول من المهر اصبح مخيف غاليهو


ود مسيخ
العرس آلصمد في البقعة سواء البدعه
من جيت العريس تبدأ القروش في الجدعه
صالات بي الالوف رقصة وقيم منصدعه
والعجب الجفل محتاجة حبه ردعه


الهمباتي الاغبش
في الحفلات بشوف عجب النفوس قدامي
لبسا يا لطيف مارق الاصل والنامي
بهريج في الوشوش ديسا تكنو حمامي
لو ما خوف اله بي عيني ابقي حرامي


ود مسيخ
ديل عاجباهن القنوات بحاكن فيها
شايفات الجسوم والبنطلون باديها
ماعرفن حلاة البيت أدب مو جيها
طرشقن الشريعة وشطفن كرعيها


الهمباتي الاغبش
الايام بشوف في الفن كمان الوان
عولاق الشباب السمو داك فنان
مخشلع من جميع كلمات اداء والحان
والحكمة الرقيص قول انا هسي تب خجلان


ود مسيخ
ناس الاورقن الفوق اللحون تتقلب
جابو كلام إحير فوق حياتنا مقلب
ضربأ بي المسدس والحديد إتقلب
وهاك مني الجديد لحن الحرامي التلب


الهمباتي الاغبش
كتير من الشباب يتخلعو وينفكو
فوق ناس الغرب من القبيح انلكو
سلاسل وديك ختم فلو الشعر ام جكو
ناس سستم ظبط وياراستا نصك حكو


ود مسيخ
ديل عادمين هموم ماضاقو قولة جيب
إفرفش وإنبسط مامهم نفخة الجيب
جلجلو لي الشعور لبسو النظامو عجيب
وإشحد في السعوط ياعمو ياخ ماتجيب


الهمباتي الاغبش
نعود نلفا النميم وفوقو نمشي نتاتي
بشوف لونية ظهرت في الدروب بتهاتي
بينك يا الاصم وبين اخوك همباتي
شيتا ما حصل تب قبل دحين متواتي


ود مسيخ
دايرين نمرق الناس من درب حفظوهو
نختر بي النميم فوق القديم ولفوهو
ناس تب عاجبن حتن كمان باروهو
وأحدين سجو فيهو إلا ماقدروهو


الهمباتي الاغبش
اذهلتو الخلوق بي قول جديد في لونو
جسدتو الجماد فرشتو في ماعونو
الهمباتي مجنون ربك يكون في عونو
وانت علي النميم ماسك حجر طاحونو


ود مسيخ
شهادتك ياالصمد في صدري اغلي شهادة
إكرمك الاله في الخير تجيك ذيادة
قصدنا نطرب الناس البقت نكادة
يومأ بي الكرسد ويوم حمير وجدادة


الهمباتي الاغبش
مرحاكة النميم الفي قفاك درّاشة
ماخلت مجدع يقشو بي مقشاشة
في انقاية النميم زارع دوام حواشة
موهبة بالفِطَر ام بي المداومة ماشة


ود مسيخ
من وكت الجهل عاشق حروف ومعاني
كل ماسمعت نم فيهو بيذيد إمعاني
رية وودكين جلي واب سنون والعاي
وهسي بقيت أتاتي والخلوق سامعاني


الهمباتي الاغبش
بي النم الموهط والجميل معناهو
خت قولك حزم بيهو الخلوق يتباهو
اسرح بي الخيال ارمي البلد تالاهو
اطرا البي الصبر جمر البلد واطياهو


ود مسيخ
نحن الفي الشمال مابهمنا البترول
نحن بهمنا البفقد عوجتك إزول
نحن بلدنا عامر شرق وعرض وطول
مابهمو الصبح من الارض مفصول


الهمباتي الاغبش
فوق اهلي الغبش الفي الجروف واسوقن
والنيل الطمح سايل مسقي عروقن
ترابلة ها البلد الزرعو قام بي فوقن
حامدين بالقليل العز والكرم ماروقن


ود مسيخ
قصدك عزي والناس البمرقو العله
إفلحو في الارض ماكاسو عيشت الذله
ذادم مو كتير بس باليقين إتحله
ملاح من الجداول وكسرة في بستله


الهمباتي الاغبش
فوق ها الجيل بدورك تحكي سر القول
وكتر يا التلب وصي الشباب بي اصول
بلغ بي القليل كيفن يكون مسئول
جيب درر الحديث منك نميم مبهول


ود مسيخ
ديل أمل البلد فيهم كتير الصالح
دايرين بس تجارب ابنو بيها مسارح
كم عاشرت لي الكارب عميمتو وفالح
إن سلطو وعتو حرم إسدو المالح


الهمباتي الاغبش
بشوف النم صبح لغةً ترد الروح
وكمين من شباب فوق النميم مطروح
عاودو لي القديم نسجو الوزن مصلوح
قول ليهم نصيحة في النم يعلو سفوح


ود مسيخ
النم هولنا ميراث من جدودنا الفاتو
نحيهو ان بقت خاتنو خترو وماتو
نأرخ بيهو لي الوطن القسن نايباتو
نذكر عزو والوان الجمال في بناتو


الهمباتي الاغبش
السمار بشوف شِهّيق عيونم قجا
واياي فيّ كتير من السوال الرجا
كلامي معاك كتير ومعاك سمحة الحِجا
لكين الشباب رجين مروقك لجا


ود مسيخ
مرحب بيهم البيهم دوعي سروري
أصحابي البعزوني وبزيلو شروري
وإت ياعمنا الصمد ناوي إجيك ضروري
تشكر ياألاصم نمك بطفي حروري


الهمباتي الاغبش
قبل ما امشي لابد من اطفش نوقك
واجرك بي النميم ادخل دواخل روقك
خاطب ولا حابي ولا العزوف بي فوقك
شن خبر العرس ظنيتو باير سوقك


ود مسيخ
بورة عدوك لكن معايا رفاقه
كاتلنا العزب والفرقتن حراقه
كملنا الزمن شغله وكتر ساساقه
في الموقع تشوف بورة وعيون


الهمباتي الاغبش
يا السمار هناك انا ما قضيتو كلامي
لكين الزمن سارق تكنو حرامي
بفكلكم التلب تمو اللي باقي مرامي
وان شيتا نسيتو اقبضو انتو محامي


ود مسيخ
تطير ياالكرسي تتكسر كمان كرعيكا
بعد عم الصمد قالولي قووم جايكا
كملت الحروف دليتا كلها فيكا
الاقضي البدأ شوف تاني زولأ إجيكا


الهمباتي الاغبش
مشكور يا التلب ماقصرلك قول
واوفيت تب جزم رصيت حقايق طول
اديني العفو كان في السوال مسلول
امتعت الحضور ليك المودة نزول


ود مسيخ
تشكر عمنا وليك إحترامي وحبي
بي نضمك لقيت من المراير طبي
شاحد المولي غفار الذنوب اجمعبي
في بيتو ونطوف أنا وأنت سوا نلبي


التوقيع:

اخو المـرقــن عصــر وفي خلاهـو بتاتي
اب رسـوة الغـليد المــا بنقـبض يومـاتي
ايدك لى الضعــاف تحجي وتمـد تحـاتي
عزام في الفريق وجنب الصقور همباتي


التعديل الأخير تم بواسطة الهمباتي الأغبش ; 15-01-2012 الساعة 12:33 PM.
الهمباتي الأغبش غير متواجد حالياً   رد مع اقتباس
قديم 17-01-2012, 11:07 PM   #2
الرقــابة
 
الصورة الرمزية معز عثمان
 

افتراضي رد: اجمل حوار بالمرابيع - كان في كرسي النمة والشاشاي

استاذنا الهمباتى الأغبش

والله كلام من درر المرابيع والنّم
تحلى القعدة وخلفة الرجل على رجل
ونسرح معاك فى عالمك المميز
الله يمتعك بالصحة والعافية وتعيش وتقول
ربى يسعدك زى ما اسعدتنا

لك فائق الإحترام والتقدير






التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


التعديل الأخير تم بواسطة معز عثمان ; 17-01-2012 الساعة 11:11 PM.
معز عثمان غير متواجد حالياً   رد مع اقتباس
قديم 17-01-2012, 11:53 PM   #3
فطــاحلة الدوبيــت
 
الصورة الرمزية الهمباتي الأغبش
 

افتراضي رد: اجمل حوار بالمرابيع - كان في كرسي النمة والشاشاي

هلا حباب معتز في دار الهمباتي
انعدل لا جوة
جيبي جبنة يابت

التوقيع:

اخو المـرقــن عصــر وفي خلاهـو بتاتي
اب رسـوة الغـليد المــا بنقـبض يومـاتي
ايدك لى الضعــاف تحجي وتمـد تحـاتي
عزام في الفريق وجنب الصقور همباتي

الهمباتي الأغبش غير متواجد حالياً   رد مع اقتباس
قديم 17-01-2012, 11:57 PM   #4
الــــــــــمــــــــــديـــــــــــــر الـــــــعــــــــام "دهب الوقية"
 
الصورة الرمزية بت الأقرع
 

افتراضي رد: اجمل حوار بالمرابيع - كان في كرسي النمة والشاشاي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بي بخورها كمان

جايين بي جايي تاني

التوقيع:


تسلموا لينا ياكن صاح صقور جديان

و كية عديل عليهو الغازي و الخيبان

هيلو يخاف من الغضب الفجربمبان

و هيلنا نقطعو النفس البمرقو جبان






شكـــراً الوهمــي

بت الأقرع غير متواجد حالياً   رد مع اقتباس
قديم 18-01-2012, 12:17 AM   #5
الرقــابة
 
الصورة الرمزية ابومفاز
 

افتراضي رد: اجمل حوار بالمرابيع - كان في كرسي النمة والشاشاي

همباتي ازيك في دارك

التوقيع:

فليتك تحلو والحياة مريرة
وليتك ترضى والانام غضاب
وليت الذي بيني وبينك عامر
وبيني وبين الناس خراب
ان صح منك الود فالكل هين
وكل ما فوق التراب تراب
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ابومفاز غير متواجد حالياً   رد مع اقتباس
قديم 18-01-2012, 12:19 AM   #6
فطــاحلة الدوبيــت
 
الصورة الرمزية الهمباتي الأغبش
 

افتراضي رد: اجمل حوار بالمرابيع - كان في كرسي النمة والشاشاي

اقتباس:
المشاركة الأصلية كتبت بواسطة ابومفاز مشاهدة المشاركة
همباتي ازيك في دارك

حبابك خش لا جوة
جيبي يابت زيادة فناجين وجبنة جديدة

التوقيع:

اخو المـرقــن عصــر وفي خلاهـو بتاتي
اب رسـوة الغـليد المــا بنقـبض يومـاتي
ايدك لى الضعــاف تحجي وتمـد تحـاتي
عزام في الفريق وجنب الصقور همباتي

الهمباتي الأغبش غير متواجد حالياً   رد مع اقتباس
قديم 18-01-2012, 12:25 AM   #7
فطــاحلة الدوبيــت
 
الصورة الرمزية الهمباتي الأغبش
 

افتراضي رد: اجمل حوار بالمرابيع - كان في كرسي النمة والشاشاي

اقتباس:
المشاركة الأصلية كتبت بواسطة بت الأقرع مشاهدة المشاركة
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

بي بخورها كمان

جايين بي جايي تاني


هبي الجمرة يا بنية التلوب اتلمو
ومن فحم الغرام شايف القراب انخمو
ولعو لي الشجون عند الحبيب انتمو
كبي التالت آ بنية النفوِّر دمو

التوقيع:

اخو المـرقــن عصــر وفي خلاهـو بتاتي
اب رسـوة الغـليد المــا بنقـبض يومـاتي
ايدك لى الضعــاف تحجي وتمـد تحـاتي
عزام في الفريق وجنب الصقور همباتي

الهمباتي الأغبش غير متواجد حالياً   رد مع اقتباس
قديم 18-01-2012, 12:34 AM   #8
الرقــابة
 
الصورة الرمزية ابومفاز
 

افتراضي رد: اجمل حوار بالمرابيع - كان في كرسي النمة والشاشاي

اقتباس:
المشاركة الأصلية كتبت بواسطة الهمباتي الأغبش مشاهدة المشاركة

حبابك خش لا جوة
جيبي يابت زيادة فناجين وجبنة جديدة
جبنتك حبابا

التوقيع:

فليتك تحلو والحياة مريرة
وليتك ترضى والانام غضاب
وليت الذي بيني وبينك عامر
وبيني وبين الناس خراب
ان صح منك الود فالكل هين
وكل ما فوق التراب تراب
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ابومفاز غير متواجد حالياً   رد مع اقتباس
قديم 18-01-2012, 12:44 AM   #9
الــــــــــمــــــــــديـــــــــــــر الـــــــعــــــــام "دهب الوقية"
 
الصورة الرمزية بت الأقرع
 

افتراضي رد: اجمل حوار بالمرابيع - كان في كرسي النمة والشاشاي

اقتباس:
المشاركة الأصلية كتبت بواسطة الهمباتي الأغبش مشاهدة المشاركة
هبي الجمرة يا بنية التلوب اتلمو
ومن فحم الغرام شايف القراب انخمو
ولعو لي الشجون عند الحبيب انتمو
كبي التالت آ بنية النفوِّر دمو
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
هبيت جمري ولع من حرارة اللمة

حسيت بالفرح روحي تب منجمه

بولع جمري يوت و عليكو ولع النمّة

نشرب للصباح و الكيف تمام ينتمه

التوقيع:


تسلموا لينا ياكن صاح صقور جديان

و كية عديل عليهو الغازي و الخيبان

هيلو يخاف من الغضب الفجربمبان

و هيلنا نقطعو النفس البمرقو جبان






شكـــراً الوهمــي


التعديل الأخير تم بواسطة بت الأقرع ; 18-01-2012 الساعة 12:45 AM.
بت الأقرع غير متواجد حالياً   رد مع اقتباس
قديم 18-01-2012, 12:50 AM   #10
فطــاحلة الدوبيــت
 
الصورة الرمزية الهمباتي الأغبش
 

افتراضي رد: اجمل حوار بالمرابيع - كان في كرسي النمة والشاشاي

اقتباس:
المشاركة الأصلية كتبت بواسطة بت الأقرع مشاهدة المشاركة
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
هبيت جمري ولع من حرارة اللمة

حسيت بالفرح روحي تب منجمه

بولع جمري يوت و عليكو ولع النمّة

نشرب للصباح و الكيف تمام ينتمه



كبي الجبنة اسرفي لي القهيوة قصادي
ولا تختي الدوا وقرفة عناد بي غادي
جيبي فشار وداد ختي الولف متهادي
اطلقي لي البخور تفي الزمن اعوادي

التوقيع:

اخو المـرقــن عصــر وفي خلاهـو بتاتي
اب رسـوة الغـليد المــا بنقـبض يومـاتي
ايدك لى الضعــاف تحجي وتمـد تحـاتي
عزام في الفريق وجنب الصقور همباتي


التعديل الأخير تم بواسطة الهمباتي الأغبش ; 18-01-2012 الساعة 12:51 AM.
الهمباتي الأغبش غير متواجد حالياً   رد مع اقتباس
قديم 18-01-2012, 01:10 AM   #11
الرقــابة
 
الصورة الرمزية معز عثمان
 

افتراضي رد: اجمل حوار بالمرابيع - كان في كرسي النمة والشاشاي

شمّيت ريحتة الجبنة جيتكم صادى
متقربف عديل يادوب عدلتو قعادى
فى دار الهمباتى يتم لى مرادى
واتربع عديل لغيرو تب ما فاضى




التوقيع:

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

معز عثمان غير متواجد حالياً   رد مع اقتباس
قديم 18-01-2012, 01:18 AM   #12
فطــاحلة الدوبيــت
 
الصورة الرمزية الهمباتي الأغبش
 

افتراضي رد: اجمل حوار بالمرابيع - كان في كرسي النمة والشاشاي

كبي التالت آ بنية النعدل القعدة
متقريف كتير خرم الرويس انهدة
الجبنة المدنكلة كيف ولا بنعدة
طقطقي يالعناق الجو نسيمو انمدة

التوقيع:

اخو المـرقــن عصــر وفي خلاهـو بتاتي
اب رسـوة الغـليد المــا بنقـبض يومـاتي
ايدك لى الضعــاف تحجي وتمـد تحـاتي
عزام في الفريق وجنب الصقور همباتي


التعديل الأخير تم بواسطة الهمباتي الأغبش ; 18-01-2012 الساعة 01:21 PM.
الهمباتي الأغبش غير متواجد حالياً   رد مع اقتباس
قديم 18-01-2012, 07:55 AM   #13
الــــــــــمــــــــــديـــــــــــــر الـــــــعــــــــام "دهب الوقية"
 
الصورة الرمزية بت الأقرع
 

افتراضي رد: اجمل حوار بالمرابيع - كان في كرسي النمة والشاشاي

و أنا بقعد بي مزاج بقلاها جبنة كيف

فيها الهبهان و الزنجبيل كالسيف

و قِرفة شديدة مغرية للمقيم و الضيف

و أكبكب في المحنة شتاي و خريف و صيف

التوقيع:


تسلموا لينا ياكن صاح صقور جديان

و كية عديل عليهو الغازي و الخيبان

هيلو يخاف من الغضب الفجربمبان

و هيلنا نقطعو النفس البمرقو جبان






شكـــراً الوهمــي

بت الأقرع غير متواجد حالياً   رد مع اقتباس
قديم 18-01-2012, 08:09 AM   #14
الــــــــــمــــــــــديـــــــــــــر الـــــــعــــــــام "دهب الوقية"
 
الصورة الرمزية بت الأقرع
 

افتراضي رد: اجمل حوار بالمرابيع - كان في كرسي النمة والشاشاي


يا الهمباتي أخوي الجبنة نقطة ضعفي
لو ما لقيتا يومي عديل بفوت لي شرفي

ما بدور السواد بس لونا بيسعد طرفي

من دون البشر دي السمحة صاحبة حرفي

التوقيع:


تسلموا لينا ياكن صاح صقور جديان

و كية عديل عليهو الغازي و الخيبان

هيلو يخاف من الغضب الفجربمبان

و هيلنا نقطعو النفس البمرقو جبان






شكـــراً الوهمــي


التعديل الأخير تم بواسطة بت الأقرع ; 18-01-2012 الساعة 08:11 AM.
بت الأقرع غير متواجد حالياً   رد مع اقتباس
إضافة رد

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 12:43 AM.


Powered by vBulletin® Version 3.7.2, Copyright ©2000 - 2014, Jelsoft Enterprises Ltd. TranZ By Almuhajir
جميع الحقوق محفوظة لمنتديات سوداني للأبد